Neymar üçün qrup mərhələsi bitdi

25.11.2022 - 16:36

Braziliya millisinin futbolçusu Neymarın durumuna aydınlıq gəlib.

Apasport.az saytının xarici mətbuata istinadən məlumatına görə, DÇ-2022-nin qrup mərhələsinin I turunun Serbiya ilə matçında zədələnən hücumçu növbəti iki görüşü buraxacaq.

Futbolçun yaxın mənbələr onun zədə üzündən II turdan kənar qalacağını, baş məşqçi Titenin III turda risk etməmək üçün Neymara istirahət verəcəyini bildirib. Forvard İsveçrə və Kamerunla görüşlərdə meydana çıxmayacaq. O, yalnız 1/8 finalda iştirak edə biləcək.

Qeyd edək ki, Braziliya Serbiyanı 2:0 hesabı ilə məğlub edib.