Paris-2024 Yay Olimpiya və Paralimpiya oyunlarının yayımında Azərbaycan təmsilçiləri də iştirak edəcəklər.

Bakı Media Mərkəzindən apasport.az-a verilən məlumata görə, qurumun əməkdaşları Fransa paytaxtındakı yarışların yayımına dəvət alıblar.

Yayım prodüseri Tahir Əliyev və yayım rejissorunun assistenti Cavidan Şərifov Paris-2024-ün çəkilişlərinə cəlb ediliblər. Beləliklə, tarixdə ilk dəfə Olimpiya Oyunlarının yayımlanmasında azərbaycanlılar da təmsil olunacaq.

Qeyd edək ki, Fransa paytaxtındakı Olimpiya Oyunları 2024-cü il iyulun 26-dan avqustun 11-dək, Paralimpiya Oyunları avqustun 28-dən sentyabrın 8-dək keçiriləcək.

• Albert Riera: “Rəqibə hörmət edirik”
• "Hayduk" - "Zirə" oyununun hakim təyinatları açıqlanıb
• KDÇ: "Çelsi" finalda - YENİLƏNİB
• PSJ “Real”la oyuna itkilərlə çıxacaq
• FİFA PSJ - "Real" oyununun hakimlərini açıqlayıb