İngiltərə millisinin baş məşqçisi Qaret Sautqeyt peyvənd olunmayan futbolçuları dünya çempionatına aparmaya bilər.

Apasport.az saytının məlumatına görə, 52 yaşlı mütəxəssis bu variantı nəzərdən keçirir.

Buna səbəb Qətər hökumətinin koronavirusla bağlı qaydalarıdır. Belə ki, İngiltərədən olan gedən oyunçular ölkəyə daxil olduqdan sonra beş gün ərzində özlərini təcrid etməli olacaqlar. Bu da futbolçuların İrana qarşı qrup mərhələsinin ilk matçını buraxma ehtimalını yüksəldir.

Qeyd edək ki, DÇ-2022-yə noyabrın 21-də start veriləcək.