2027-ci ildə futbol üzrə qadınlar arasında dünya çempionatının keçiriləcəyi ölkə müəyyənləşib.

Apasport.az xəbər verir ki, turnir Braziliyada təşkil olunacaq.

Qərar FIFA-nın Tailandın paytaxtı Banqkokda keçirilən 74-cü Konqresində qəbul olunub.

Belçika, Niderland və Almaniya da yarışa birlikdə ev sahibliyi etmək istəyirdi. Meksika və ABŞ isə aprelin sonunda birgə ərizələrini geri götürüblər.

Qeyd edək ki, 2023-cü ildə Yeni Zelandiyada keçirilən dünya çempionatında İspaniya millisi qızıl medal qazanıb.