Argentina millisinin heyətində dünya çempionu olan Papu Qomes paradı zamanı pulu avtobusdan camaatın arasına atıb.

Apasport.az xəbər verir ki, bu video sosial şəbəkələrdə yayılıb.

Həmçinin, dünya çempionatında "Qızıl əlcəy"ə sahib çıxan qapıçı Emiliano Martines oyuncağa finalda qapısına 3 top vurmuş Kilian Mbappenin şəklini taxaraq onu ələ salıb. Maraqlıdır ki, bu, Mbappenin komanda yoldaşı, Argentina millisinin kapitanı Lionel Messinin gözü önündə baş verib.

Qeyd edək ki, Argentina millisi Qətərdə keçirilən dünya çempionatında qalib gəldiyi üçün Beynəlxalq Futbol Federasiyaları Assosiasiyasından (FİFA) 41 milyon avro pul mükafatı alıb. 4 il əvvəl Rusiyada dünya çempionu olmuş Fransa millisinə 38 milyon avro verilmişdi.