Türkiyənin UEFA Konfrans Liqasındakı təmsilçisi "Trabzonspor" turnirin liqa mərhələsinə vəsiqə qazana bilməyib.

Apasport.az xəbər verir ki, Qara dəniz təmsilçisi evdə İsveçrənin "St. Qallen" klubu ilə üz-üzə gəlib.

Cütün ilk qarşılaşmasında qapılara yol tapılmamışdı. Trabzondakı matçda isə hərəyə bir dəfə fərqlənən komandalar penaltilər seriyasında qalibin adına aydınlıq gətiriblər. 31-ci dəqiqədə qonaqların heyətində İsaak Şmitin vurduğu qola 52-ci dəqiqədə Enis Destan cavab verib. Əlavə vaxtda da qapılara yol tapılmadığı üçün tərəflər penaltilər seriyasına yollanıb. 

Qonaqların 5 futbolçusu hədəfdən yayınmayıbsa, "Trabzonspor"da Saviç 5-ci zərbədə topu qapıdan keçirə bilməyib. Beləcə, Türkiyə təmsilçisi liqa mərhələsindən kənarda qalıb. 

• Millətlər Liqası: Türkiyədən inamlı qələbə, Aktürkoğlundan 3 qol - YENİLƏNİB
• Millimiz Türkiyəyə məğlub oldu
• “Qarabağ”dan növbəti qələbə
• Fernandu Santuş: “Gecə yata bilməyəcəm”
• Millimiz Slovakiyaya məğlub oldu - YENİLƏNİB