Kilian Mbappe Fransa millisində dünya çempionatlarında ən çox qol vuran ikinci futbolçu olub.

Apasport.az saytı xəbər verir ki, 23 yaşlı hücumçu DÇ-2022-də Danimarka ilə oyunda (2:1) dubl edərək mundiallarda qol sayını 7-yə çatdırıb.

PSJ-nin üzvü bu göstəricidə 5 qollu Mişel Platini və Zinəddin Zidanı, həmçinin analoji turnidə 6 qol vurmuş Tyerri Anrini keçib. Siyahıda lider isə DÇ-1958-də 13 qolun müəllifi olmuş Jüst Fontendir.

Kilian Mbappe "üçrənglilər"in heyətində qol baxımından Zinəddin Zidana çatıb. Aktivində 31 qol olan gənc hücumçu yığma bombardirlərinin sıralamasında Jüst Fonten ilə Jan-Pyer Papeni keçərək 7-ci pilləyə yüksəlib.

Qeyd edək ki, Fransa millisi Qətərdəki mundialın qrup mərhələsinin III turunda Tunislə qarşılaşacaq.

• A millinin Malta və San Marino ilə oyunlarının hakim təyinatları bəlli oldu
• Azərbaycan – Macarıstan: Açıq məşq və mətbuat konfransı
• Azərbaycan - Malta: Açıq məşq və mətbuat konfransı
• Futzal üzrə UEFA Çempionlar Liqasının 2026/2027 mövsümünün reqlamenti müəyyənləşib
• Yuxusuz gecələr başlayır: Dünya çempionatında kim favoritdir?