Azərbaycanın yeniyetmə cüdoçuları Rusiyanın Yakutsk şəhərində keçiriləcək “Asiya uşaqları” Oyunlarında iştirak edəcəklər.

Apasport.az xəbər verir ki, Azərbaycan millisi yarışda 11 çəki dərəcəsində 5 qız və 6 oğlan cüdoçu ilə təmsil olunacaq.

Qızlar arasında Gülşən Hüseynova (40 kiloqram), Gülgəz Musayeva (44 kiloqram), Könül Eyvazlı (48 kiloqram), Səmayə Yusiflı (52 kiloqram) və Fidan Cəlilli (63 kiloqram) mübarizə aparacaqlar. Oğlanların yarışında isə Anar Quliyev (46 kiloqram), Məhəmməd Rüstəmli (50 kiloqram), İlkin Qarayev (55 kiloqram), Özqan Quliyev (60 kiloqram), Əli Hümbətli (66 kiloqram) və Amin Mehdiyev (73 kiloqram) qüvvəsini sınayacaq.

“Asiya uşaqları” Oyunlarında cüdo yarışları iyunun 30-dan iyulun 2-dək keçiriləcək.

Qeyd edək ki, Oyunlarda Azərbaycan Cüdo Federasiyasının “A” kateqoriyalı beynəlxalq dərəcəli hakimi Arzu Acalova ədalət təmsilçiləri arasında yer alacaq.

• Azərbaycan cüdo üzrə Avropa Kubokuna ev sahibliyi edəcək - DÖRDÜNCÜ DƏFƏ
• Cüdoçularımız Avropa Açıq Turnirini 3 medalla başa vurub - FOTO
• "İstedadların seçimi" yarışının II turu başa çatıb
• Xüsusi Olimpiya Komitəsi və Azərbaycan Cüdo Federasiyası arasında əməkdaşlıq memorandumu imzalanıb
• Polşaya 19 cüdoçu ilə yollanırıq