Aprelin 13-14-də cüdo üzrə U-13 kiçik yaşlı yeniyetmələr arasında Bakı kəndləri birinciliyi keçiriləcək.

Apasport.az xəbər verir ki, Gənclər və İdman Nazirliyi, “Bakı Abadlıq Xidməti” MMC və ACF-nin birgə təşkilatçılığı ilə baş tutacaq turnirə Bakı kəndlərinin müxtəlif klub, cəmiyyət və idman təşkilatından 400-ə yaxın cüdoçu qatılacaq.

Qızlar və oğlanlar arasında 20 çəki dərəcəsində qaliblər bəlli olacaq. Turnir Hövsan qəsəbəsində yerləşən Fövqəladə Hallar Nazirliyinin İdman Sağlamlıq Mərkəzində baş tutacaq.

Yarışın əsas məqsədi kiçik yaşlı yeniyetmələr arasında idman vasitəsi ilə sağlam həyat tərzinin formalaşdırılması ilə yanaşı, Bakı kəndlərində cüdo idman növünə marağın artırılması və cüdonun kütləvi təbliğinə və təşviqinə nail olmaqdır.

• Tbilisi Böyük Dəbilqəsinə 11 cüdoçumuz yollanacaq
• Azərbaycan cüdo üzrə Avropa Kubokuna ev sahibliyi edəcək - DÖRDÜNCÜ DƏFƏ
• Cüdoçularımız Avropa Açıq Turnirini 3 medalla başa vurub - FOTO
• "İstedadların seçimi" yarışının II turu başa çatıb
• Xüsusi Olimpiya Komitəsi və Azərbaycan Cüdo Federasiyası arasında əməkdaşlıq memorandumu imzalanıb