Polşanın Poznan şəhərində keçirilən cüdo üzrə gənclər arasında Avropa Kuboku başa çatıb.

Apasport.az xəbər verir ki, son yarış günündə milli komandamızın bir üzvü fəxri kürsünün ən yüksək pilləsinə qalxıb. 

52 kq çəki dərəcəsində mübarizə aparan Aysun Məmmədova bütün rəqiblərinə qalib gələrək qızıl medal qazanıb.

Cüdoçumuz finala gedən yolda Nina Potok (Polşa), Lola Hodson (Böyük Britaniya) və Sofia Kordovanı (İsveç) mübarizədən kənarlaşdırıb. Həlledici görüşdə Böyük Britaniyanın digər təmsilçisi Keyt Çişolmu da məğlub edən Aysun Məmmədova karyerasında ilk dəfə gənclər arasında beynəlxalq turnirin qalibi olub.

Qeyd edək ki, yarışda 21 ölkədən 267 cüdoçu qüvvəsini sınayıb.

• Cüdoçunun kata növü üzrə ölkə çempionatı və birinciliyi keçiriləcək
• Bakıda dünya çempionatı üçün xüsusi videoçarx – Cüdo ulduzları bir araya gəldi
• Cüdoçularımız Bakıda keçirilən beynəlxalq təlim-məşq toplanışında iştirak edir
• Məhəmməd Musayev 2 qat Avropa çempionu oldu
• Cüdoçularımızın Avropa çempionatında ilk rəqibləri bəlli oldu