Azərbaycan badmintonçuları Venesuelada keçirilən "Future" seriyası üzrə beynəlxalq turnirdə iki gümüş medal qazanıblar.

Apasport.az xəbər verir ki, kişilər arasında fərdi kateqoriyada Ülvi Hüseynov Venesuela, Braziliya və Meksika təmsilçilərini məğlub edərək finala yüksəlib. O, yalnız İngiltərədən olan rəqibinə uduzaraq, turniri gümüş medalla başa vurub.

Qarışıq cütlər kateqoriyasında Ülvi Hüseynov - Leyla Camalzadə dueti Venesuela və Meksikadan olan rəqiblərini məğlub edərək finala yüksəlib. Lakin həlledici görüşdə Azərbaycan idmançıları meksikalı cütlüyə uduzaraq 2-ci yerlə kifayətləniblər.

Qeyd edək ki, bundan əvvəl badmintonçularımız Venesuelada keçirilən daha bir açıq turnirdə üç qızıl medal qazanıblar.

• Avropa Gənclər Paralimpiya Oyunlarında Azərbaycan bayrağını daşıyacaq idmançılar bəlli olub
• EYOF-da iştirak edəcək idmançılarımız Şimali Makedoniyaya yola düşüblər
• Azərbaycanı EYOF-da təmsil edəcək velosipedçilər müəyyənləşib
• Almaniyada Ümumdünya Yay Universiadasının açılış mərasimi keçirilib - FOTO
• İdmançılarımız Bolqarıstandan 3 qızıl medalla qayıdıb - FOTO