Hokkey üzrə dünya çempionatının bürünc mükafatçısı Latviya yığmasının uğuru dəyərləndirilib.

Apasport.az saytı xəbər verir ki, Latviya hökuməti bunun üçün yerli federasiyaya 576 min avro ayırıb.

Ayrılan məbləğin 220 min avrosu yığma üzvləri və məşqçi heyəti arasında bölüşdürüləcək. Digər 356 min avro isə federasiya tərəfindən hokkeyin inkişafına xərclənəcək.

Qeyd edək ki, Latviya yığması tarixində ilk dəfə dünya çempionatı mükafatını qazanıb. Komanda 3-cü yer uğrunda görüşdə ABŞ-a qalib gəlib (4:3).