Bakı. Kənan Həsənov – APA-Sport. İsveçrənin qadınlar arasında voleybol çempionatı başa çatıb. “APA-Sport” agentliyinin məlumatına görə, yarışın həlledici mərhələsində milli komandamızın üzvü Natalya Məmmədovanın məxsus olduğu “Volero” klubu dünən “Şaffhauzen”lə qarşılaşıb. Pley-off mərhələsi yeddi oyundan ibarət olsa da, çempionatın qalibi dörd görüşün yekununa əsasən müəyyənləşib. Rəqibini ardıcıl dörd qarşılaşmada məğlub edən “Volero” qızıl medallara sahib çıxıb.
Qeyd edək ki, bu, bir müddət əvvəl İspaniyanın “İkaro Palma” klubuna icarəyə verilən N.Məmmədovanın ikinci çempionluğudur. 24 yaşlı həmyerlimiz iki il əvvəl də İsveçrə çempionu titulunu qazanıb.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar