Bakı. Kənan Həsənov – APA-Sport. Azərbaycanın voleybol üzrə kişilərdən ibarət milli komandası Quba Olimpiya Kompleksində təlim-məşq toplanışı keçəcək. Bu haqda “APA-Sport” agentliyinə yığmanın rəisi Nazim Allahverdiyev məlumat verib. Onun sözlərinə görə, komandamızın hazırlığı mayın 2-dək davam edəcək. Bundan sonra isə millimiz Avropa çempionatının təsnifat mərhələsi çərçivəsində keçirəcəyi oyun üçün Albaniyaya yollanacaq. Komandalar arasında ilk oyun mayın 8-də, cavab matçı isə 11-də Quba Olimpiya Kompleksində baş tutacaq. Cütün qalibi Hollandiya, Latviya və Sloveniya yığmalarının yer aldığı B qrupunda mübarizə aparmaq hüququ əldə edəcək.