Bakı. Kənan Həsənov - APA-Sport. Azərbaycanın qadınlardan ibarət voleybol üzrə milli komandası Avropa çempionatının qrup mərhələsinə məğlubiyyətlə başlayıb. “APA-Sport” agentliyinin məlumatına görə, Faiq Qarayevin başçılıq etdiyi yığmamız Rumıniyanın Bizau şəhərində təşkil olunan yarış çərçivəsində keçirdiyi ilk görüşdə İspaniyaya 1:3 (25:16, 21:25, 14:25, 19:25) hesabı ilə uduzub. Qrupda keçirilən digər oyunda Rumıniya Makedoniyaya qalib gəlib - 3:0. Bu gün makedoniyalılarla qarşılaşacaq komandamız sabah Rumıniyanı sınağa çəkəcək.
Qrup mərhələsinin ikinci dövrəsinin oyunları İspaniyanın Kaseras şəhərində keçiriləcək. Milli komandamız bu mərhələdə iyunun 6-da Rumıniya, 7-də İspaniya, 8-də is’ Makedoniya ilə oynayacaq. Reqlamentə əsasən, qrup qalibi Avropa çempionatının final mərhələsinə vəsiqə qazanacaq. İkinci yeri tutan komanda isə “pley-off”da mübarizə aparacaq.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar