“Klublararası son dünya çempionunun hazırda bizimlə məşq etməsi böyük şərəfdir”. Apasport.az saytının məlumatına görə, bu sözlər İsveçrənin “Volero” klubunun prezidenti Stav Yakobiyə məxsusdur.

Bakının “Rabitə” klubu Qətərdəki dünya çempionatının qalibi olduqdan sonra Bakıdakı qısa hazırlığın ardından İsveçrəyə yollanıb. Burada 2 həftəlik təlim-məşq toplanışında olacaq komandamız Çempionlar Liqasında çıxış edəcək “Volero” ilə bir neçə yoldaşlıq matçında gücünü yoxlayacaq.

Sürix klubunun prezidenti belə güclü rəqiblə özlərini sınamaq imkanına malik olmalarını yüksək dəyərləndirib: “Hər 2 komandanın bir neçə üzvü yığmalarının düşərgəsində olduğundan, tam heyətlə oynaya bilməyəcəyik. Bu səbəbdən qarışıq heyətlərlə meydana çıxacağıq ki, oyun qaydalarına riayət edək. Burada , komandalar taktiki tapşırıqlar üzərində də işləməyəcək”.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq