Qadın voleybolçular arasında “Çelenc Cup”ın II təsnifat mərhələsinin cavab oyunlarını idarə edəcək hakimlərin adları açıqlanıb. Apasport.az saytının məlumatına görə, dekabrın 7-də baş tutacaq “Evre” (Fransa) – “Bakı” (Azərbaycan) matçına əsas referi kimi almaniyalı Mariya Ute Fisçer təyinat alıb. Ona köməkliyi Rikardo Marques Ferreyra (Portuqaliya) edəcək.

“Çelenc Cup”da digər təmsilçimiz “Lokomotiv”lə Macarıstan “Vaşaş”ın oyununda isə ədaləti Alim Batyuk (Ukrayna) və Cihat Firincioğlu (Türkiyə) qoruyacaqlar.

Qeyd edək ki, “Lokomotiv” – “Vaşaş” görüşü dekabrın 8-də keçiriləcək.

• Bu gün Yüksək Liqada XV turun oyunları keçiriləcək
• Millimizin Avropa Qızıl və Gümüş Liqalarındakı oyunlarının təqvimi bəlli olub
• Federasiya prezidenti idmançılarla görüşüb
• Polşa klubu ruslara görə beynəlxalq yarışdan imtina etdi
• Millimiz ilk matçını evdə keçirəcək