Xorvatiya yığması üçün 4 “azərbaycanlı”

28.04.2012 - 15:49

Qadın voleybolçulardan ibarət Xorvatiya milli komandasının Avropa Olimpiya Təsnifat Turniri üçün yekun heyəti açıqlanıb. Apasport.az saytının məlumatına görə, yığmanın baş məşqçisi Damir Jurko mayın 1-6-da Türkiyədə keçiriləcək həlledici mərhələdə güvənəcəyi “12-liyi” müəyyənləşdirib.

Siyahıda 4 “azərbaycanlı” da yer alıb. Bunlar Super Liqamızda oynayan Bilyana Gliqoroviç (“Bakı”), İliyana Duqandziç, Marina Katiç (hər ikisi “İqtisadçı”) və İvana Miloşdur (“Lokomotiv”).

Qeyd edək ki, Xorvatiya Türkiyə, Almaniya və Bolqarıstanla eyni qrupda yer alıb.