Türkiyə yığmasından tarixi uğur!
06.05.2012 - 20:42
Qadın voleybolçular arasında Türkiyə milli komandası yeni tarix yazıb. Apasport.az saytının məlumatına görə, “ay-ulduzlular” ilk dəfə Yay Olimpiya Oyunlarına lisenziya qazanıblar.
Onlar bu uğura Türkiyənin paytaxtı Ankarada keçirilən Avropa Olimpiya Təsnifat Turnirində imza atıblar. Belə ki, qrup mərhələsində Bolqarıstanla Xorvatiyanı 3:0 və Almaniyanı 3:1 hesabı ilə məğlub edən türklər yarımfinalda Rusiya voleybolçuları ilə oynayıblar. Braziliyalı mütəxəssis Marko Aurelio Mottanın rəhbərlik etdiyi komanda adlı-sanlı rəqibinə də heç bir şans verməyərək, 3:1 hesabı ilə qalib gəlib.
Finalda isə onların rəqibi Bakının “Azərreyl” klubunun oyunçusu Karolina Kosekin də forma geyindiyi Polşa yığması olub. İlk 2 setdə 25:22 hesabı ilə qələbə qazanan Türkiyə millisi sonuncu hissəni 25:19 hesabı ilə aktivinə yazıb – 3:0.
Beləliklə, turnirin ən güclüsü olan “ay-ulduzlular” tarixi uğura imza ataraq, London-2012-yə vəsiqə qazanıblar. Türkiyə bununla həm də komanda idman növlərində 52 illik həsrətə də son qoyub. Belə ki, onlar Paris-1924, Amsterdam-1928, London-1948, Roma-1960-da futbol, Berlin-1936 və Helsinki-1952-də basketbol yığmaları ilə təmsil olunsalar da, son 13 Olimpiadada yalnız fərdi idman növlərində mübarizə aparırdılar.
Qeyd edək ki, Azərbaycan yığması Türkiyədə keçirilən final mərhələsinə Bolqarıstana uduzmaqla, yüksələ bilməmişdi.
Onlar bu uğura Türkiyənin paytaxtı Ankarada keçirilən Avropa Olimpiya Təsnifat Turnirində imza atıblar. Belə ki, qrup mərhələsində Bolqarıstanla Xorvatiyanı 3:0 və Almaniyanı 3:1 hesabı ilə məğlub edən türklər yarımfinalda Rusiya voleybolçuları ilə oynayıblar. Braziliyalı mütəxəssis Marko Aurelio Mottanın rəhbərlik etdiyi komanda adlı-sanlı rəqibinə də heç bir şans verməyərək, 3:1 hesabı ilə qalib gəlib.
Finalda isə onların rəqibi Bakının “Azərreyl” klubunun oyunçusu Karolina Kosekin də forma geyindiyi Polşa yığması olub. İlk 2 setdə 25:22 hesabı ilə qələbə qazanan Türkiyə millisi sonuncu hissəni 25:19 hesabı ilə aktivinə yazıb – 3:0.
Beləliklə, turnirin ən güclüsü olan “ay-ulduzlular” tarixi uğura imza ataraq, London-2012-yə vəsiqə qazanıblar. Türkiyə bununla həm də komanda idman növlərində 52 illik həsrətə də son qoyub. Belə ki, onlar Paris-1924, Amsterdam-1928, London-1948, Roma-1960-da futbol, Berlin-1936 və Helsinki-1952-də basketbol yığmaları ilə təmsil olunsalar da, son 13 Olimpiadada yalnız fərdi idman növlərində mübarizə aparırdılar.
Qeyd edək ki, Azərbaycan yığması Türkiyədə keçirilən final mərhələsinə Bolqarıstana uduzmaqla, yüksələ bilməmişdi.
Oxşar xəbərlər
Ana səhifə
Bütün xəbərlər