Yığmamızın 2-ci məğlubiyyəti

13.07.2012 - 08:53

Qadın basketbolçulardan ibarət Azərbaycan millisi Avropa çempionatında qrup mərhələsinin son oyununu keçirib. Apasport.az saytının məlumatına görə, C divizionunda mübarizə aparan komandamız II turdakı qələbənin ardını gətirə bilməyib.

Onlar qrupun lideri Maltaya 70:80 hesabı ilə uduzublar. Turun digər matçında Şotlandiya Moldovanı meydana çıxmağa peşman edib – 81:19.

Beləliklə, aktivində 1 qələbə və 2 məğlubiyyət olan Azərbaycan millisi qrup mərhələsini 4 xalla 3-cü pillədə başa vurub. Nəticədə komandamız 5-8-ci yerlər uğrunda oynayacaq. Bu mərhələdə isə basketbolçularımızın ilk rəqibi Cəbəllütariq olacaq. Matç sabah baş tutacaq.