Yığmamız sonuncu olmaqdan qaçdı

16.07.2012 - 09:51

Qadın basketbolçulardan ibarət Azərbaycan millisi Avropa çempionatında çıxışını başa vurub. Apasport.az saytının məlumatına görə, C divizionunda mübarizə aparan komandamız 8 yığma arasında 7-ci yeri tutub.

Belə ki, qrup mərhələsini 4 xalla 3-cü pillədə başa vuran basketbolçularımız 5-8-ci yerlər uğrunda oynayıblar. Bu mərhələdə onların ilk rəqibi Cəbəllütariq olub. Lakin oyun həmyerlilərimiz üçün uğurlu alınmayıb. Rəqibə 76:77 hesabı ilə uduzdun komandamız 7-ci yer uğrunda Moldova yığmasının gücünü yoxlayıb. Onlar qrup mərhələsindəki kimi moldovalıları yenə qalib gələrək (68:45), sonuncu olmaqdan qaçıblar.

Qeyd edək ki, çempionatın qalibi Avstriya komandası olub.