Sabah kişi basketbolçular arasında Avropa çempionatının seçmə mərhələsinə start veriləcək. Apasport.az saytının məlumatına görə, Azərbaycan yığması tarixində ilk dəfə analoji yarışda mübarizəyə başlayacaq.

Komandamız debütünü Lüksemburqda edəcək. Elxan Əliyevin yetirmələri yerli yığma ilə qarşılaşacaq. Oyunun komandamız üçün asan keçməyəcəyi gözlənilir. Çünki rəqib də demək olar ki, bizlə eyni səviyyədədir. Lakin millimizin heyətində yer alacaq amerikalılar qələbəmizi təmin edə bilərlər. Bu həmin basketbolçularla yanaşı, Türkiyədəki təmsilçilərimizin də son təlim-məşq toplanışında bir-birinə uyğunlaşdığı halda reallaşacaq.

Qrupumuzun digər qarşılaşmasında Bolqarıstan İsveçi qəbul edəcək. Digər rəqibimiz Almaniya isə istirahət edəcək.

20:00. LÜKSEMBURQ – AZƏRBAYCAN
Hakimlər: Yosef Bissanq (Fransa), Bert Van Sloten (Hollandiya) və Kristof Ronaski (Avstriya)

Qeyd edək ki, yığmamız avqustun 18-də Bakıda Bolqarıstanla oynayacaq.

• “Murov Az Terminal”da yeni müqavilə
• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer
• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO