“Məqsədimiz seçmə mərhələni uğurla arxada qoymaqdır”

16.08.2012 - 08:49

“Bu görüşdə qalib gəldiyimiz üçün çox şadıq”. Apasport.az saytının məlumatına görə, bunu kişi basketbolçulardan ibarət Azərbaycan millisinin baş məşqçisi Elxan Əliyev deyib.

Avro-2013-ün seçmə mərhələsinin ilk turunda səfərdə Lüksemburqa 101:78 hesabı ilə qalib gələn yığmamızın çalışdırıcısı oyuna münasibət bildirib: “İlk oyun həmişə vacib olur. Biz bilirdik ki, Lüksemburq yığmasında Tom Şumaxerlə Sami Riçards kimi istedadlı oyunçular var. Belə komanda ilə oynamaq heç də asan olmur. Məqsədimiz seçmə mərhələni uğurla arxada qoymaqdır. Hərçənd, çox çətin qrupda yer almışıq”