Bakı klubları üçün polyak və bolqar

11.11.2012 - 15:29

Qadın voleybolçular arasında CEV kubokunun 1/8 final mərhələsini idarə edəcək hakimlərin adları açıqlanıb. Apasport.az saytının məlumatına görə, Avropa Voleybol Konfederasiyası noyabrın 13-də Bakıda keçiriləcək “İqtisadçı” – “Omiçka” (Rusiya) görüşündə əsas referi funksiyasını Yasek Hojkaya (Polşa) tapşırıb. Ona köməkliyi Salvis Kutiss (Latviya) edəcək.

Bir gün sonra Almaniyada baş tutacaq “Rote Raben” - “Bakı-Azəryol” qarşılaşmasında isə Domromir Dobrev (Bolqarıstan) və Koen Luts (Belçika) ədaləti qoruyacaqlar.

Qeyd edək ki, cavab matçları 1 həftə sonra olacaq.