Çempionlar Liqasının I dövrəsinin yekununa əsasən ən çox xal toplayan voleybolçuların adları açıqlanıb. Apasport.az saytının məlumatına görə, Azərbaycan klublarından “Lokomotiv” və “Rabitə”nin oyunçuları ilk “10-luq”da yer alıblar.

Belə ki, yalnız “Azərreyl”in üzvlərinin yer almadığı (klubun ən məhsuldar voleybolçusu Meqan Hodj 43 xalla 23-cü yerləri bölüşür) dekadada ən yaxşı göstəricimiz “Lokomotiv”in çexiyalı hücumçusu Aneta Havlikovaya məxsusdur. Mövsümün əvvəlində “dəmiryolçu” olan legionerimiz 69 xalla 2-ci pillədə qərarlaşıb. O, birinci olan “Qalatasaray”lı Rosir Karderon Diasdan 1 xal geri qalır ki, bu da səbəbsiz deyil. Çünki kubalı Havlikovadan 1 set artıq oynayıb.

“Rabitə”nin voleybolçusu Madeleyne Montano isə cədvəldə 8-cidir. O, Diasdan 13 xal geri qalır. Kolumbiyalı legionerimiz isə liderdən 3 hissə az meydanda olub.

	Klubu	Oyun sayı	Set sayı	Topladığı xal
1. Rosir Karderon Dias	Qalatasaray	3	13	70
2. Aneta Havlikova	Lokomotiv	3	12	69
3. Tatyana Bokan	Myulhaus	3	12	65
...8. Madeleyne Montano	Rabitə	3	10	57

• Bakı təmsilçisindən yeni transfer
• “Murov Az Terminal"da yeni müqavilə
• “Murov Az Terminal”da yeni müqavilə
• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer