Qadın voleybolçular arasında Rusiya kuboku yarımfinalının qrup mərhələsi başa çatıb. Apasport.az saytının məlumatına görə, Azərbaycan millisinin hücumçusu Natalya Məmmədovanın şərəfini qoruduğu “Omiçka” “Dördlər finalı”na yüksələ bilməyib.

İlk 2 matçda 1 qələbə qazanan və 1 dəfə uduzan Omsk təmsilçisi bu dəfə “Ufimoçka”nı 3:2 (17:25, 23:25, 25:23, 25:18, 15:11) hesabı ilə məğlub edib. Nəticədə aktivində 4 xalı olan “Omiçka” ikinci yeri tutaraq, qrupda qalıb. “Dördlər finalı”na Krasnodar “Dinamo”su vəsiqə qazanıb.

Digər qruplardan Çempionlar Liqasında “Lokomotiv”in rəqibi Moskva “Dinamo”su ilə yanaşı, Kazanın eyniadlı təmsilçisi və “Zariçye-Odintsova” bütün rəqiblərindən güclü olublar.

Qeyd edək ki, “Omiçka” CEV kubokunun 1/4 finalında “Bakı-Azəryol”un rəqibidir.

• Bakı təmsilçisindən yeni transfer
• “Murov Az Terminal"da yeni müqavilə
• “Murov Az Terminal”da yeni müqavilə
• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer