Debütdə qrup qalibi - YENİLƏNİB

11.12.2012 - 21:23

Çempionlar Liqasının qrup mərhələsində “Lokomotiv” bu gün Serbiyanın “Srvena Zvezda” klubu ilə qarşılaşıb. Apasport.az saytının məlumatına görə, Voleybol Mərkəzində baş tutan oyunda komandamız gözlənilən 3 xalı qazanıb.

Belə ki, “Lokomotiv” heç bir setdə rəqibinə şans verməyib. İlk setdə Serbiya çempionunu 4 top fərqi ilə məğlub edən “dəmiryolçular” növbəti hissəni 12 top irəlidə bitiriblər. Sonuncu setdə komandamız güclü olub. Bu dəfə 25:17 hesabı ilə qalib gələn “Lokomotiv” Çempionlar Liqasında debüt ilində qrup mərhələsini lider kimi başa vurub. Onlar 6 oyundan 5-də rəqiblərindən üstün olublar.

Qrupumuzda pley-off üçün 2-ci yer uğrunda “Bank Fakro” (Polşa) və “Dinamo” (Moskva, Rusiya) klubları mübarizə aparırlar.

Çempionlar Liqası
VI tur

11 dekabr
F qrupu
“Lokomotiv” (Azərbaycan) – “Srvena Zvezda” (Serbiya) - 3:0 (25:21, 25:13, 25:17)
Hakimlər: Andre Yunqen (Almaniya), Ersin Altıparmaq (Türkiyə)
Bakı, Voleybol Mərkəzi