Moldovada 2012-ci ilin ən yaxşı qoluna aydınlıq gəlib. Apasport.az saytının məlumatına görə, sorğuda iştirak etmiş 755 adam il ərzində vurulmuş 24 ən yaxşı qoldan birinə səs verib.

Sorğuda ötən mövsümün son 6 ayı ərzində “Tiraspol”da çıxış etmiş milli komandanın sabiq hücumçusu Daniel Axtyamovun qolu da iştirak edib. Onun 19-cu turda “Kostulenı”nın qapısından uzaq məsafədən vurduğu 3-cü top ən yaxşı qollar sırasında yer alıb. Ancaq bu qola cəmi 1 səs verilib və sonuncu olub.

Ən yaxşı qol isə AZAL-ın sabiq hücumçusu, hazırda “Milsami”də oynayan Georgi Boqyununku seçilib. Respondentlərin 154-ü (20.39%) cari mövsümün 1-ci turunda “Akademiya”nın qapısından vurulan qolu ən yaxşı sayıb.

Qeyd edək ki, Axtyamov hazırda Rusiyanın regional futzal komandası olan “Aist”də çıxış edir. Boqyu isə yayda AZAL-dan ayrıldıqdan sonra Moldovaya qayıdıb və ilk 6 ay ərzində çempionatın bombardiri olmaqla milliyə də çağırılıb.

• Bakı təmsilçisindən yeni transfer
• “Murov Az Terminal"da yeni müqavilə
• “Murov Az Terminal”da yeni müqavilə
• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer