18 yaşadək voleybolçu qızlar arasında Avropa çempionatının seçmə mərhələsinə start verilib. Apasport.az saytının məlumatına görə, E qrupunda yer alan Azərbaycan millisi yarışa uğurla başlayıb.

Belə ki, Aleksandr Çervyakovun rəhbərlik etdiyi komanda qrup mərhələsinin ilk qarşılaşmasında İspaniya millisi ilə üz-üzə gəlib. Görüş gözlənilənlərin əksinə, komandamızın möhtəşəm qələbəsi ilə yekunlaşıb. Voleybolçularımız 2 dəfə hesabda geri düşmələrinə baxmayaraq, 3:2 (16:25, 25:23, 12:25, 25:21, 15:11) hesablı qələbəyə seviniblər.

Qrupumuzun digər matçlarında isə Fransa Finlandiyaya, Yunanıstan Danimarkaya 3:0 hesabı ilə qalib gəliblər.

Qeyd edək ki, qrupumuzun oyunları Yunanıstanda keçirilir və yığmamız bu gün ev sahibləri ilə gücünü yoxlayacaq.

• Bakı təmsilçisindən yeni transfer
• “Murov Az Terminal"da yeni müqavilə
• “Murov Az Terminal”da yeni müqavilə
• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer