Azərbaycan yığmasının oyunçusu Cənubi Koreyada bürünc medal qazandı

19.03.2013 - 12:41

Qadın voleybolçular arasında Cənubi Koreya çempionatında pley-off mərhələsinə yekun vurulub. Apasport.az saytının məlumatına görə, Azərbaycan millisinin oyunçusu Yana Ağayevanın şərəfini qoruduğu “Hyundai” GS klubu ilə dueldə məğlub olub.

Təmsilçimizin komandası hər iki matçda 1:3 hesabı ilə uduzaraq seriyadan məğlub ayrılıb - 0:2. Səfərdəki oyunda (25:17, 23:25, 25:18, 26:24) Yana 24 xal toplayıb. Ev matçında isə onun 39 xalı da komandasını xilas etməyib – 23:25, 24:26, 26:24, 21:25.

Beləliklə, birbaşa finala yüksələn İBK-nın həlledici qarşılaşmalardakı rəqibi GS klubu olub. Ağayeva isə komandası ilə birlikdə bürünc medallar qazanıb