Çempion vitse-çempiona qarşı

10.04.2013 - 13:59

Sabah Super Liqada XXIII turun oyunları baş tutacaq. Apasport.az saytının məlumatına görə, “Azərreyl”in istirahət edəcəyi gündə mərkəzi oyun “Lokomotiv”lə “Rabitə” arasında olacaq.

Görüşün favoriti Marçello Abbondanzanın yetirmələri olsalar da, “dəmiryolçular”ın onlara ciddi müqavimət göstərəcəyi proqnozlaşdırılır. Çünki ötən mövsümün gümüş mükafatçısı “Lokomotiv” uduzacağı halda, ilk “üçlük”dən çox aralı düşəcək.

Belə ki, onlardan 4 xal irəlidə olan “İqtisadçı”nın turu qələbə ilə başa vuracağı sözsüzdür. Universitet komandasının autsayder “Lokomotiv Biləcəri” ilə görüşdə 1 xal belə itirəcəyi gözlənilmir. Onların ilk 3 dövrədə olduğu kimi yenə “quru hesabla” qalib gələcəkləri daha inandırıcıdır.

Turun digər – “Bakı-Azəryol” – “Telekom” görüşndə də birincilərin asan qalib gələcəyini söyləmək olar. Çünki Vuqar Əliyevin yetirmələri gənclərdən qurulmuş debütanta hələ bir set belə güzəştə getməyiblər.

XXIII tur

15:00. “Lokomotiv Biləcəri” – “İqtisadçı”
Birinci oyun: “İqtisadçı” – “Lokomotiv-Biləcəri” - 3:0 (25:13, 25:11, 25:16)
İkinci oyun: “Lokomotiv Biləcəri” – “İqtisadçı” - 0:3 (21:25, 16:25, 10:25)
Üçüncü oyun: “İqtisadçı” – “Lokomotiv Biləcəri” - 3:0 (25:17; 25:11; 25:18)

17:00. “Bakı-Azəryol” – “Telekom”
Birinci oyun: “Telekom” – “Bakı-Azəryol” - 0:3 (22:25, 10:25, 14:25)
İkinci oyun: “Bakı-Azəryol” – “Telekom” - 3:0 (25:17, 25:20, 25:18)
Üçüncü oyun: “Telekom” – “Bakı-Azəryol” - 0:3 (18:25; 21:25; 11:25)

19:00. “Lokomotiv” – “Rabitə”
Birinci oyun: “Rabitə” – “Lokomotiv” - 3:1 (25:19, 15:25, 25:21, 25:21)
İkinci oyun: “Lokomotiv” – “Rabitə” - 1:3 (29:27, 15:25, 17:25, 10:25)
Üçüncü oyun: “Rabitə” – “Lokomotiv” - 3:1 (25:20, 21:25, 25:14, 31:29)

1	Rabitə	18	16	2	51-13	1579-1234	49
2	Azərreyl	19	13	6	44-22	1553-1386	40
3	İqtisadçı	19	13	6	45-25	1626-1419	39
4	Lokomotiv	19	12	7	44-28	1625-1499	35
5	Bakı-Azəryol	19	9	10	33-35	1497-1497	26
6	Telekom	19	2	17	7-51	1041-1405	6
7	Lokomotiv-Biləcəri	19	1	18	5-55	993-1475	3