“Bakıda taksi sürücüləri otellərin adını bilmirlər” - MÜSAHİBƏ
17.04.2013 - 10:11
Bakının “Lokomotiv” klubunun voleybolçusu Korina Suşke vətəni Almaniyada müsahibə verib. Apasport.az saytının məlumatına görə, Azərbaycandakı karyerasından danışan 29 yaşlı idmançı başa çatmaqda olan mövsümü dəyərləndirib.
- Karyeranız ərzində bir çox ölkələrdə oynamısız. Ancaq Azərbaycanda yaşamaq və oynamaq həyatınızda yeni səhifədir...
- Sözsüz, Azərbaycan yaddaşıma kiməsə tövsiyə edə biləcəyim bir ölkə kimi həkk oldu. Biz digər komandalardakı digər qızları da tanıdıq, onlarla daim ünsiyyət qura bilirik. Bakının mərkəzi çox gözəldir. Orada oturub qəhvə içmək üçün yaxşı məkanlar var.
- Bakı klublarının maliyyə durumu nə dərəcədə yüksəkdir?
- Hazırda Rusiya, Türkiyə və Azərbaycan voleybolunda maddi durum yaxşıdır. Bu ölkələr oyunçulara daha çox pul ödəyirlər.
- “Lokomotiv” Çempionlar Liqasının qrup mərhələsini lider kimi başa vursa da, pley-offda məğlub oldu. Çempionatda isə 4-cü yerdəsiz. Mövsümü özünüz üçün necə dəyərləndirərdiz?
- Şəxsən mən bir az məyus oldum. Çünki bu mövsümdən daha çox şey gözləyirdim. Ancaq fevralın əvvəlindən heç də özümü yaxşı tərəfdən göstərə bilmirəm. Çünki bəzi zədələrim olduğundan daha çox fizioterapevtlə çalışırdım. Məqsədimizə gəlincə, klubumuzun prezidentinin real istəyi “Dördlər finalı”na vəsiqə qazanmaq idi. Super Liqada isə növbəti turlarda qalib gəlməklə 3-cü yerə iddia edirik.
- Uzun müddətdir xaricdə oynayırsız. Ölkədən kənarda olmaq idman və şəxsi həyat baxımından sizin üçün nə qədər vacibdir?
- Bu daha çox idman planında inkişafımla bağlıdır. Bəzən xaricdə oynamaqla yeniliklərlə də tanış olursan. Əgər beynəlxalq səviyyədə irəli getmək istəyirsənsə, ölkədən kənara çıxmağa qərar verməlisən. Elə şəxsi planda inkişaf baxımından da bu böyük addımdır. İnsan başqa adət-ənənələr, mədəniyyətlə tanış olur və bunu öyrənməlidir.
Azərbaycanda bu planda ilk vaxtlar mənim üçün elə də asan deyildi.
- Vaxtilə “İqtisadçı”da oynamış həmyerliniz Katlin Ueiss “Bakıda böyük pullar var, ancaq zaldan kənar həyat elə də yaxşı deyil. Orada qadının rolu da bizdəki kimi deyil” demişdi. Siz analoji mənzərə ilə üzləşmisiz?
- Mən bunu elə də təsdiqləyə bilmərəm. Bakıda olan 7 klub demək olar əcnəbilərlə komplektləşib. Düzdür, orada insanların çoxu qara paltarlara üstünlük verirlər. Bu geyim isə elə də göz oxşamır. Həmçinin, çox insanlar yalnız öz dillərində danışır. Buna görə də küçədə hansısa məlumatı almaq çətin olur. Bakıda taksi sürücüləri küçələrin və ya otellərin adını bilmirlər. Buna görə ilk vaxtlar narahat idim. Ancaq indi “google xəritəsi” ilə evdən haraya gedəcəyimi müəyyənləşdirə bilirəm. Sözsüz ki, burada qadın rolu fərqlidir. Ancaq onlar da burada böyük hörmətə malikdirlər.
- Oynadığınız İtaliya, Çexiya və Polşanı Azərbaycanla necə fərqləndirərdiz?
- İtaliya, Polşa və Çexiya həqiqətən çox gözəl ölkələrdir. Hansıları ki, mən doğurdan da kiməsə tövsiyə edə bilərəm. Orada həyat gözəldir, klublar daha peşəkardırlar. Ən əsası bu ölkələr evimdən uzaq deyillər (gülür). Ancaq Rusiya, Türkiyə və Azərbaycan maddi duruma görə bunları qabaqlayır. Azərbaycandan başqa digər ölkələrdə legioner limiti var ki, bu hərdən gəlmələrin işini çətinləşdirir.
- Bəs ürəyinizdə elə bir ölkə varmı ki, orada oynayasız?
- Mən Braziliya və Puerto-Rikada da çıxış etmək istərdim. Ancaq bunlar hələ istəkdir.
- Karyeranızı nə qədər davam etdirmək istərdiz?
- Siz demək istəyirsiz ki, mən qocayam? (gülür). Məndə hələ oynamağa güc var. 2011-ci ildə ailə həyatı qurmuşam.
- Voleybolda qadın məşqçilər kifayət qədər azdır. Sizin necə buna həvəsiniz var?
- Şəxsən mənim qadın çalışdırıcılardan xoşum gəlmir. Ancaq belə də ola bilər. Hazırda belə bir real planım yoxdur. Hələ ki idmançı karyeramı davam etdirəcəyəm.
- Karyeranız ərzində bir çox ölkələrdə oynamısız. Ancaq Azərbaycanda yaşamaq və oynamaq həyatınızda yeni səhifədir...
- Sözsüz, Azərbaycan yaddaşıma kiməsə tövsiyə edə biləcəyim bir ölkə kimi həkk oldu. Biz digər komandalardakı digər qızları da tanıdıq, onlarla daim ünsiyyət qura bilirik. Bakının mərkəzi çox gözəldir. Orada oturub qəhvə içmək üçün yaxşı məkanlar var.
- Bakı klublarının maliyyə durumu nə dərəcədə yüksəkdir?
- Hazırda Rusiya, Türkiyə və Azərbaycan voleybolunda maddi durum yaxşıdır. Bu ölkələr oyunçulara daha çox pul ödəyirlər.
- “Lokomotiv” Çempionlar Liqasının qrup mərhələsini lider kimi başa vursa da, pley-offda məğlub oldu. Çempionatda isə 4-cü yerdəsiz. Mövsümü özünüz üçün necə dəyərləndirərdiz?
- Şəxsən mən bir az məyus oldum. Çünki bu mövsümdən daha çox şey gözləyirdim. Ancaq fevralın əvvəlindən heç də özümü yaxşı tərəfdən göstərə bilmirəm. Çünki bəzi zədələrim olduğundan daha çox fizioterapevtlə çalışırdım. Məqsədimizə gəlincə, klubumuzun prezidentinin real istəyi “Dördlər finalı”na vəsiqə qazanmaq idi. Super Liqada isə növbəti turlarda qalib gəlməklə 3-cü yerə iddia edirik.
- Uzun müddətdir xaricdə oynayırsız. Ölkədən kənarda olmaq idman və şəxsi həyat baxımından sizin üçün nə qədər vacibdir?
- Bu daha çox idman planında inkişafımla bağlıdır. Bəzən xaricdə oynamaqla yeniliklərlə də tanış olursan. Əgər beynəlxalq səviyyədə irəli getmək istəyirsənsə, ölkədən kənara çıxmağa qərar verməlisən. Elə şəxsi planda inkişaf baxımından da bu böyük addımdır. İnsan başqa adət-ənənələr, mədəniyyətlə tanış olur və bunu öyrənməlidir.
Azərbaycanda bu planda ilk vaxtlar mənim üçün elə də asan deyildi. - Vaxtilə “İqtisadçı”da oynamış həmyerliniz Katlin Ueiss “Bakıda böyük pullar var, ancaq zaldan kənar həyat elə də yaxşı deyil. Orada qadının rolu da bizdəki kimi deyil” demişdi. Siz analoji mənzərə ilə üzləşmisiz?
- Mən bunu elə də təsdiqləyə bilmərəm. Bakıda olan 7 klub demək olar əcnəbilərlə komplektləşib. Düzdür, orada insanların çoxu qara paltarlara üstünlük verirlər. Bu geyim isə elə də göz oxşamır. Həmçinin, çox insanlar yalnız öz dillərində danışır. Buna görə də küçədə hansısa məlumatı almaq çətin olur. Bakıda taksi sürücüləri küçələrin və ya otellərin adını bilmirlər. Buna görə ilk vaxtlar narahat idim. Ancaq indi “google xəritəsi” ilə evdən haraya gedəcəyimi müəyyənləşdirə bilirəm. Sözsüz ki, burada qadın rolu fərqlidir. Ancaq onlar da burada böyük hörmətə malikdirlər.
- Oynadığınız İtaliya, Çexiya və Polşanı Azərbaycanla necə fərqləndirərdiz?
- İtaliya, Polşa və Çexiya həqiqətən çox gözəl ölkələrdir. Hansıları ki, mən doğurdan da kiməsə tövsiyə edə bilərəm. Orada həyat gözəldir, klublar daha peşəkardırlar. Ən əsası bu ölkələr evimdən uzaq deyillər (gülür). Ancaq Rusiya, Türkiyə və Azərbaycan maddi duruma görə bunları qabaqlayır. Azərbaycandan başqa digər ölkələrdə legioner limiti var ki, bu hərdən gəlmələrin işini çətinləşdirir.
- Bəs ürəyinizdə elə bir ölkə varmı ki, orada oynayasız?
- Mən Braziliya və Puerto-Rikada da çıxış etmək istərdim. Ancaq bunlar hələ istəkdir.
- Karyeranızı nə qədər davam etdirmək istərdiz?
- Siz demək istəyirsiz ki, mən qocayam? (gülür). Məndə hələ oynamağa güc var. 2011-ci ildə ailə həyatı qurmuşam.
- Voleybolda qadın məşqçilər kifayət qədər azdır. Sizin necə buna həvəsiniz var?
- Şəxsən mənim qadın çalışdırıcılardan xoşum gəlmir. Ancaq belə də ola bilər. Hazırda belə bir real planım yoxdur. Hələ ki idmançı karyeramı davam etdirəcəyəm.
Oxşar xəbərlər
Ana səhifə
Bütün xəbərlər