“Rabitə”nin kolumbiyalı legioneri Madeleyne Montano karyerasını Türkiyədə davam etdirəcək. Apasport.az saytının məlumatına görə, Bakı təmsilçisi mövsümün əvvəlində Cənubi Koreyanın “Daejeon” komandasından transfer etdiyi ulduz voleybolçu ilə müqaviləni yeniləməyib.

Belə ki, 1 illik müqaviləsi başa çatan Montano “Rabitə”dən ayrılıb. O, artıq özünə yeni komanda da tapıb. Kolumbiya millisinin lideri çıxışını “Qalatasaray”da davam etdirəcək. 2012/2013 mövsümündə Super Liqanın ən dəyərli oyunçusu seçilən Madeleyne İstanbul klubu ilə 1 illik rəsmi müqavilə imzalayıb.

Qeyd edək ki, “Rabitə” ilə Azərbaycan çempionu adını qazanan Montano klublararası dünya çempionatının və Çempionlar Liqasının da finalçısı da olub. O, həmçinin bakılılarla ÇL-in bombardiri adını qazanıb.

• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə
• “Murov Az Terminal”da yeni müqavilə