Rəqibimiz də uduzdu

25.06.2013 - 08:45

Qazaxıstanda qadın voleybolçular arasında ölkə prezidenti Nursultan Nazarbayevin şərəfinə keçirilən beynəlxalq turnirdə I turun oyunları başa çatıb. Apasport.az saytının məlumatına görə, Azərbaycan millisinin də qatıldığı yarış ev sahibləri üçün uğurlu başlayıb.

Belə ki, Faiq Qarayevin yetirmələrinin (1:3 (25:27, 10:25, 25:14, 21:25)) Çinin “Lyaonin” klubuna məğlubiyyətinin ardından “Uraloçka” (Rusiya) da Qazaxıstanın ikinci millisinə uduzub – 1:3 (15:25, 25:19, 15:25, 16:25). Turun ən gərgin matçı isə ev sahiblərinin əsas yığmasının Belarusla oyunu olub. Avropa çempionatının final mərhələsində rəqibimiz olan belaruslular tay-brekdə Qazaxıstanla bacarmayıb – 2:3 (24:26, 25:16, 17:25, 25:19, 5:15).

Qeyd edək ki, komandamız ikinci matçında Qazaxıstanın ehtiyat yığması ilə oynayacaq.