Serbiya millisində 2 “azərbaycanlı”

26.06.2013 - 10:40

Qadın voleybolçulardan ibarət Serbiya millisinin heyəti açıqlanıb. Apasport.az saytının məlumatına görə, yığmanın baş məşqçisi Zoran Terziç dünya Qran-prisində güvənəcəyi oyunçuları müəyyənləşdirib.

Rusiyanın “Omiçka” klubunu da çalışdıran mütəxəssis 16 nəfərlik yekun heyətə Azərbaycan Super Liqasından 2 voleybolçunu da daxil edib. Bunlar “Rabitə”nin aparıcı üzvü Nataşa Krsmanoviç və “Lokomotiv”in yeni liberosu Suzana Sebiçdir.

Qeyd edək ki, Serbiya qrup mərhələsində Dominikan Respublikası, Puerto-Rika və Çexiya ilə gücünü yoxlayacaq.