“Rabitə” yeni transferi Reyçel Rurku rəsmən ictimaiyyətə təqdim edib. Apasport.az saytının məlumatına görə, Polşanın “Atom” klubundan transfer olunan avstraliyalı voleybolçu Azərbaycan çempionunun heyətində “4” nömrəli formada oynayacaq. 24 yaşlı oyunçu ilə 3 illik müqavilə imzalanıb.

192 sm boya malik hücumçu son 2 ili “Atom”da keçirib. O, Sopot təmsilçisi ilə qızıl və gümüş medallara yiyələnib. 24 yaşlı Rurk Polşdan öncə Avstraliyanın “Queensland”, “QAS Pirates”, ABŞ-ın “Oregon State University” və İtaliyanın “San Vito” klublarında oynayıb. Reyçel Türkiyənin “İlbank” və “Beşiktaş” komandalarının da transfer siyahısında olsa da, sonda “Rabitə”ni seçib.

• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə