4 qat Azərbaycan çempionu Mira Qoluboviçin karyerasını davam etdirəcəyi komanda məlum olub. Apasport.az saytının məlumatına görə, “Rabitə”nin 37 yaşlı sabiq voleybolçusu İsveçrə çempionatında oynayacaq.

O, bu ölkənin məşhur “Volero” klubu ilə anlaşaraq, 1 illik rəsmi müqaviləyə imza atıb.

Qeyd edək ki, serbiyalı oyunçu “Rabitə”yə 2010-cu ildə pley-off mərhələsində gəlmişdi və onunla ardıcıl 4 dəfə Super Liqanın qızıl medallarını qazanıb. Eyni zamanda, komandanın kapitanı olmuş Mira Bakı təmsilçisinin heyətində klublararası dünya çempionatının qalibi, mundialın 1 və Çempionlar Liqasının 2 dəfə vitse-çempionu olub.

• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə