Qadın voleybolçular arasında Asiya çempionatının qalibi bilinib. Apasport.az saytının məlumatına görə, yarışın qızıl medalları Tailand millisinə qismət olub.

Onlar həlledici matçda Yaponiyanı 3:0 (25:22, 25:18, 25:17) hesabı ilə məğlub ediblər. Bürünc medallar uğrunda isə Çin Cənubi Koreyaya 2:3 (25:13, 25:17, 21:25, 23:25, 11:15) hesabı ilə uduzub.

Qeyd edək ki, tarixində ikinci dəfə Asiya çempionatının ən güclüsü olan Tailandın heyətində “İqtisadçı” ilə Azərbaycan Super Liqasının gümüş medallarını qazanan Onuma Sittirak, Nutsara Tomkom, Vilavan Apinyaponq, Hyafa Amporn, Pleumjit Zinkaov, Malika Kanzonq və Vanna Buakeva da yer alıblar. Yeni mövsümdə də universitet komandasında oynayacaq Apinyaponq turnirin ən dəyərli voleybolçusu, “Rabitə”yə keçən Tomkom isə ən yaxşı toppaylayıcı seçilib.

• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə