Sürixdə dünya çempionu bilindi

14.10.2013 - 09:39

İsveçrənin Sürix şəhərində qadın voleybolçular arasında keçirilən klublararası dünya çempionatının qalibi müəyyənləşib. Apasport.az saytının məlumatına görə, mundialın qalibi adına Türkiyənin “Vakıfbank” klubu layiq görülüb.

Onlar finalda “Unilever”i (Braziliya) məğlub ediblər – 3:0 (25:23, 27:25, 25:16). Bürünc medallar isə “Quançjou Everqrand”a (Çin) nəsib olub. Asiya təmsilçisi üçüncü yer uğrunda ev sahibləri “Volero”ya qalib gəliblər – 3:1 (24:26, 25:23, 25:18, 25:21).

Qeyd edək ki, “Vakıfbank” mundiala Çempionlar Liqasının qalibi kimi vəsiqə qazanmışdı.