CEV prezidenti Ziya Məmmədovla görüşəcək

07.11.2013 - 17:26

Bu gün 2015-ci ildə Bakıda keçiriləcək ilk Avropa Oyunları ilə bağlı Avropa Voleybol Konfederasiyasının (CEV) rəsmiləri paytaxtımıza gələcəklər. Voleybol Federasiyasından apasport.az saytına verilən məlumata görə, nümayəndə heyətində qurumun prezidenti Andre Meyer, I vitse-prezident Yan Xronik, vitse-prezidentlər Aleksandr Boriçiç və Renato Arena yer alıblar.

2 gün ölkəmizdə olacaq qonaqların Azərbaycan Voleybol Federasiyasının prezidenti Ziya Məmmədovla, gənclər və idman naziri Azad Rəhimovla görüşü nəzərdə tutulub.

Onlar həmçinin, Avropa Oyunlarında yarışlarının keçiriləcəyi yerlərə - “Kristal Hall” və çimərlik voleybolu meydanlarının durumu ilə tanış olacaqlar.

Qeyd edək ki, Meyerlə Xronik avqustun ortalarında da bu məqsədlə paytaxtımıza işgüzar səfərə gəlmişdilər.