Cənubi Koreyanın “Heungkuk” klubunun voleybolçusu Elitsa Vasilyeva yeni dünya rekordu müəyyənləşdirib. Apasport.az saytının məlumatına görə, Bolqarıstan yığmasının hücumçusu bir oyunda ən çox xal toplayan qadın voleybolçu adına sahib çıxıb. O, buna Koreya çempionatında EX-lə görüşündə nail olub.

Belə ki, hücumçu ölkə çempionatının autsayderi ilə qarşılaşmada (3:2) komandasının qələbəsinə 57 xalla töhfə verib. O, bu xallardan 4-nü blokda, 2-ni topa daxil etmədə, digərlərini hücumda qazanıb.

Vasilyeva bu uğuru ilə Nikol Fosetti arxada qoyub. Amerikalı voleybolçu da rekordu məhz ilin əvvəlində Cənubi Koreya çempionatında vurmuşdu. O, 55 xala sevinmişdi.

Bolqarıstanlı hücumçunun ilk pilləyə yüksəlməsi Azərbaycan millisinin voleybolçuları Polina Rəhimova və Natalya Məmmədovanın da mövqeyinə təsir edib. Polina 9-10-cu yerləri bölüşdüyü halda, Natalya 11-cidur.


1 oyunda ən çox xal yığan “11-lik”

Xal	Oyunçu	Ölkəsi	Rekord vurduğu çempionat	Oyun
57	Elitsa Vasilyeva	Bolqarıstan	Koreya Liqası, 2013	Heungkuk - EX
55	Nikol Fosett	ABŞ	Koreya Liqası, 2013	EX-İBK
54	Besanya de la Kruz	Dominikan Respublikası	Yaponiya Liqası, 2012	Denso - Hisamitsu
54	Madeleyne Montano	Kolumbiya	Koreya Liqası, 2012	KGC - Heungkuk
53	Yumilka Ruiz	Kuba	Rusiya Superliqası, 2005	Uraloçka – Dinamo (Moskva)
53	Barbara Yeliç-Ruziç	Xorvatiya	AVRO-1999	Xorvatiya - İtaliya
51	Besanya de la Kruz	Dominikan Respublikası	Yaponiya Liqası, 2012	Denso - Marvelous
49	Nansi Metkalf	ABŞ	Puerto-Rika çempionatı	Mayaquez – Karolina
48	Georgina Pinedo	Argentina	Koreya Liqası, 2012	EX - Heungkuk
48	Polina Rəhimova	Azərbaycan	Çelenc Cup, 2011	Azərreyl – Uraloçka
47	Natalya Məmmədova	Azərbaycan	Çempionlar Liqası, 2006	Azərreyl – Vakıfbank Günəş

• III MDB Oyunları: Qadın voleybolçularımız yarımfinala çıxıb - FOTO
• III MDB Oyunları: Millimiz Özbəkistana məğlub olub - FOTO
• İtaliyada Avropa çempionatının püşkatma mərasimi keçiriləcək
• Millimiz ilk qələbəsini qazandı
• Yığmamızdan qələbə ilə start