Yığmamız bu gün yoxlama görüşü keçirəcək

24.12.2013 - 10:23

Dünya çempionatının seçmə mərhələsinə hazırlaşan qadın voleybolçulardan ibarət Azərbaycan millisinin ilk yoxlama oyununun vaxtı dəqiqləşib. Apasport.az saytının məlumatına görə, dekabrın 21-dən təlim-məşq toplanışına başlayan komandamız bu gün Bakıda səfərdə olan “Uraloçka” ilə gücünü sınayacaq.

Voleybol Mərkəzində baş tutacaq qarşılaşmanın saat 17:00-da start götürməsi gözlənilir.

Qeyd edək ki, millimiz Rusiya klubu ilə 3-4 yoldaşlıq görüşü keçirməyi planlaşdırır.