Azərbaycan Voleybol Federasiyası (AVF) növbəti təlim-məşq toplanışını Gəncə şəhərində təşkil edib.

AVF-nin mətbuat xidmətindən apasport.az-a verilən məlumata görə, Azərbaycan Texnologiya Universitetinin idman zalında keçirilən məşq prosesində Gəncə Regional Voleybol Klubunun 60-a yaxın yeniyetmə və gənc qızları, eləcə də regionda fəaliyyət göstərən məşqçilər iştirak ediblər.

Məşqləri yeniyetmə və gənc qızlardan ibarət milli komandaların rəhbəri Şahin Çatma keçib. Gündə iki dəfə keçirilən məşqlər həm fiziki, həm də texniki hazırlıqdan ibarət olub.

Qeyd edək ki, məşqlər mayın 15-17-də baş tutub.

• Zaur Hacıyev "Benfika"nın matçını idarə edəcək
• Zaur Hacıyev CEV Kubokuna təyinat alıb
• AVF rəsmisinə növbəti dəfə təyinat verilib
• Voleybolçularımız Alanyaya yollanıblar
• Voleybolçularımız təlim-məşq toplanışı üçün Türkiyəyə yollanıblar