“Rabitə” ilə oyun öncəsi növbəti qələbə

06.03.2014 - 10:09

Qadın voleybolçular arasında Rusiya Superliqasında XV tura start verilib. Apasport.az saytının məlumatına görə, tur çərçivəsində Kazan “Dinamo”su “Fakel”i qəbul edib.

Görüş ev sahiblərinin asan qələbəsi ilə başa çatıb - 3:0 (25:12, 25:12, 25:18). Bu qələbədən sonra aktivindəki xalının sayını 41-ə yüksəldən “Dinamo” turnir cədvəlində liderliyini davam etdirir.

Qeyd edək ki, Kazan təmsilçisi Çempionlar Liqasının yarımfinalında “Rabitə”nin rəqibidir. Bu komandalar Bakıda keçiriləcək “Dördlər finalı”nın ilk günündə - martın 15-də üz-üzə gələcəklər.