Qadın həndbolçulardan ibarət Azərbaycan millisinin DÇ-2015-in seçmə mərhələsindəki oyunlarının başlama günü dəqiqləşib. Apasport.az saytının məlumatına görə, yığmamızın yer aldığı IV qrupun görüşləri ev-səfər prinsipi ilə keçirilməyəcək.
Azərbaycan, Litva və Çexiyanın yer aldığı qrupa sonuncular ev sahibliyi edəcəklər. Qarşılaşmalar noyabrın 28-30-da Olomouts şəhərində təşkil olunacaq.
Komandamız ilk turda ev sahibləri ilə üz-üzə gələcəklər. Həndbolçularımız ardınca - noyabrın 29-da Litva millisini sınağa çəkəcəklər. Qrup mərhələsinin son oyununda isə çexiyalılarla litvalılar münasibətlərinə aydınlıq gətirəcəklər.
Qarşılaşmaların başlama saatı bugünlərdə açıqlanacaq.
Qeyd edək ki, 2015-ci ildə Danimarkada keçiriləcək dünya çempionatının seçmə mərhələsində yalnız qrup qalibləri pley-offa vəsiqə qazanacaqlar.
Oxşar xəbərlər
Ana səhifə
Bütün xəbərlər