Qadın voleybolçular arasında İsveçrə çempionatına yekun vurulub. Apasport.az saytının məlumatına görə, yarışın qalibi Azərbaycan millisinin hücumçusu Natalya Məmmədovanın şərəfini qoruduğu “Volero” olub.

Sürix təmsilçisi final mərhələsində “Könits”lə qarşılaşıb və hər 3 görüşdə qələbəni bayram edib. Bununla da az öncə ölkə kubokunu da başı üzərinə “Volero” İsveçrə çempionatında ardıcıl 10-cu dəfə fəxri kürsünün ən yüksək pilləsinə qalxıb.

Qeyd edək ki, Məmmədova 2005/2006 mövsümündə də bu komandada oynayarkən ölkə çempionatının və kubokunun qalibi adını qazanmışdı. O, həmin vaxt İsveçrənin ən dəyərli və ən məhsuldar voleybolçusu da seçilmişdi.

• Yüksək Liqa: III tura yekun vurulur
• Ebrar Karakurtun yeni komandası bəlli oldu
• Azərbaycan çempionatında III turun proqramı açıqlanıb
• “Azərreyl”, “Gəncə” və “Abşeron”dan qələbə
• Bu gün Yüksək Liqasında III turun oyunları keçiriləcək