Azərbaycan çempionunun yoxlama matçlarının vaxtı bilindi

26.02.2014 - 13:54

Azərbaycan çempionu “Rabitə”nin “Tauron” klubu ilə yoxlama matçlarının vaxtı dəqiqləşib. Apasport.az saytının məlumatına görə, Bakı təmsilçisi “Dördlər finalı”na hazırlıq məqsədi ilə paytaxtımıza dəvət etdiyi polşalılarla ilk görüşünə fevralın 28-də çıxacaq.

Komandalar arasında ikinci matç isə 1 gün sonra oynanılacaq. Qarşılaşmalar Çempionlar Liqasının həlledici mərhələsinin keçiriləcəyi “Kristal Hall”da olacaq.

Qeyd edək ki, martın 2-dək ölkəmizdə olacaq polşalılar komandamızla birgə məşqə sabahdan başlayacaqlar.