Azərbaycan millisinin oyunçusundan 2 illik müqavilə!

07.05.2014 - 16:21

Son mövsümü uğursuzluqla başa vuran “Lokomotiv” yeni mövsüm üçün ilk transferini rəsmiləşdirib. Apasport.az saytının məlumatına görə, legionerlərlə güvənərək pley-offa belə çıxa bilməyən “dəmiryolçular” ilk rəsmi müqaviləsini Azərbaycan millisinin blokçusu Ayşən Abduləzimova ilə bağlayıblar.

“Azərreyl”i “Lokomotiv”ə dəyişən 21 yaşlı voleybolçu növbəti 2 ildə bu komandanın uğurları üçün çalışacaq.

Qeyd edək ki, Abduləzimova 2012/2013 mövsümündə “Lokomotiv Biləcəri”də oynayıb və bu komanda dağıldıqdan sonra “Lokomotiv” əcnəbilərə “qucaq açdığından” “Azərreyl”ə keçmişdi.