Bülənt Karslıoğlu: Təəssüf ki, 1 set də qazana bilmədik

17.01.2014 - 09:45

“Vakıfbank”ın gücü hər kəsə bəllidir. Digər tərəfdən də biz istədiyimiz oyunu göstərə bilmədik”. Apasport.az saytının məlumatına görə, bunu “İqtisadçı” voleybol klubunun baş məşqçisi Bülənt Karslıoğlu Çempionlar Liqasının pley-off mərhələsində “Vakıfbank”la görüşdən sonra deyib.

Türkiyəli mütəxəssis ilk matçda həmyerlilərinə 0:3 hesablı məğlubiyyətə üzüldüyünü bildirib: “Biz heç olmasa 1 set qazanmaq istəyirdik. Təəssüf ki, bu da alınmadı”.

Qeyd edək ki, komandalar arasında cavab görüşü yanvarın 22-də olacaq.