Hücumçumuz komandasını liderliyə yüksəltdi

04.11.2014 - 14:42

Qadın voleybolçular arasında Cənubi Koreya çempionatında növbəti turun oyunları keçirilib. Apasport.az saytının məlumatına görə, tur çərçivəsində Azərbaycan millisinin hücumçusu Polina Rəhimovanın şərəfini qoruduğu “Hyundai” “İBK Altos”u qonaq edib.

Oyun 3:1 (25:14, 25:19, 23:25, 25:11) hesabı ilə təmsilçimizin komandasının xeyrinə başa çatıb. Rəhimova qarşılaşmada 45 xal toplayıb. O, bunlardan 30-unu hücumda, 8-ni blokda və 7-sini eyslə qazanıb.

Bu qələbə sayəsində “Hyundai” turnir cədvəlində ilk pilləyə yüksəlib. 4 görüşdən 8 xal toplayan komanda izləyicisi “Huenqkuk”u şəxsi oyuna görə qabaqlayır.